Bəxtiyar Vahabzadənin poeziyasında istiqlalçılıq

Authors : Günəş QULİYEVA

Pages : 1136-1149

View : 14 | Download : 8

Publication Date : 2021-09-25

Article Type : Research Paper

Abstract :Bəxtiyar Vahabzadə yaradıcılığında yenidən başlayan istiqlal tariximizin keçdiyi şərəfli yol. Bəxtiyar Vahabzadənin poeziyasında yaşayan istiqlal duyğuları, azadlıq şeirləri, Azərbaycan Türk tarixi, “bu tarixi yaşadan “Gülüstan “poeması, “İstiqlal”, ”Şəhidlər” poeması. Bəxtiyar Vahabzadə poeziyası milli istiqlal, azadlıq uğrunda savaş müstəvisində tarixi yaşadan, istiqlal, azadlıq, haqq-ədalət, dirəniş, mübarizə yoluna, yolçuluğuna yönələn poeziyadır. Şair problemlərin köklü həllini milli birlikdə, mücadilədə arayır. Mənsub olduğu xalqın həyat, yaşam qayəsini qan yaddaşına, kökə, ilkinliyə yönəltmək, onu oyatmaq, mübarizəyə qoşmaq Bəxtiyar Vahabzadə yaradıcılığının başlıca missiyasıdır. B.Vahabzadə poeziyası aydın şəkildə çox vacib bir mesajı ortaya qoydu ki, milli ideya və demokratik tələb səviyyəsinə qalxmayan şüarlar, peşəkarlıqdan uzaq mübarizə üsulları heç bir istiqlal savaşının qalibiyyətini təmin edə bilməz. Onun yaradıcılığında sosial, estetik problemlərə vətəndaş baxışı və mücadilə, istiqlalçılıq düşüncəsi həmişə vəhdətdə olub. Bu poeziya milli-mənəvi varlığımızın yenilməzliyinə, kökdən gəlib kökə getməsinə, öz haqqına sahib çıxma savaşının müqəddəsliyinə ucaldılmış əbədiyyət abidəsidir. B.Vahabzadə xalqımızın yüksək insani keyfiyyətlərini, əxlaqi dəyərlərini, mənəvi məziyyətlərini təcəssüm etdirən xalq yaradıcılığından ustalıqla bəhrələnən və bu bəhrələnməni istiqlal, müstəqillik savaşımızın tərənnümü istiqamətində böyük ustalıqla sərf etməyə nail olan qüdrətli sənətkardır.
Keywords : Bəxtiyar Vahabzadənin poeziyasında istiqlalçılıq, istiqlal duyğuları, azadlıq şeirləri, Azərbaycan Türk tarixi, bu tarixin Gülüstan faciəsi, İstiqlal, Şəhidlər poeması